Analogu i përket të djeshmes. Nëse dëshironi, zëvendësoni panelin konvencional të instrumenteve me Active Info Display. Ky ekran me rezolucion të lartë ju sjell të dhëna shtesë përtej përmbajtje klasike, si matësi i shpejtësisë, i xhirove të motorit dhe kilometrazhi. Pamja është përshtatur për Polo GTI sportive - me nuanca të kuqe, tipografi të guximshme dhe dizajn dinamik.

E vendosni ju se çfarë dëshironi të shihni: Për shembull, mund të merrni të dhëna të detajuara për udhëtimin, të shfaqni titullin e këngës, hartën e navigimit në të gjithë ekranin apo të shfaqni vizualisht sistemet e asistencës së drejtuesit.

Mund të konfigurohen deri në tri pamje në sistemin e info-argëtimit, të cilat mund të ruhen dhe të përzgjidhen nëpërmjet shtypjes së një butoni në timonin multifunksional. Profili klasik është gjithashtu në dispozicionin tuaj. Këtu, si zakonisht, pamja multifunksionale shfaqet midis matësit të shpejtësisë dhe atij të xhirove.