Nëse ju afrohet një automjet nga mbrapa e nuk është i dukshëm në pasqyrën anësore dhe në pasqyrën e kabinës, atëherë ai ndodhet në këndin e quajtur të verbër. Përpara ndryshimit të korsisë, pasqyra e kabinës dhe sensori opsional "Blind Spot" ju ndihmojnë. Mund t'ju paralajmërojnë kur ecni me shpejtësi 15 km/h, duke aktivizuar një dritë LED në pasqyrat e jashtme të Golfin GTD tuaj. Nëse përdorni ende sinjalin e kthesës, drita do të fillojë të pulsojë më fort e më shpejt, dhe do t'ju paralajmërojë për automjetin në këndin e verbër.

Në kombinim me asistentin e ruajtjes së korsisë "Lane Assist", sensori "Blind Spot" mund të paralajmërojë, brenda kufijve të tij, edhe me një ndërhyrje korrigjuese në timon përpara ndryshimit të korsisë.

Nga ana tjetër, asistenti i parkimit ndihmon, brenda kufijve të sistemit, për daljen nga parkimi. Trafiku prapa automjetit monitorohet nga sensorët në prapakolp. Nëse një automjet tjetër, një çiklist apo një këmbësor ju afrohet, do të paralajmëroheni nëpërmjet një sinjali akustik dhe një grafik në sistemin e info-argëtimit. Nëse nuk reagoni në kohë, sistemi mund të zbusë pasojat e mundshme të një përplasjeje me anë të ndërhyrjes tek frenat ose, në rastin optimal, mund ta parandalojë atë.